Impormasyon tungkol sa Coronavirus

 Impormasyon tungkol sa Coronavirus

Mayroong paglaganap ng bagong sakit na tinatawag na “novel coronavirus” sa lungsod ng Wuhan, China na nag-umpisa noong Disyembre 2019. Mabilis ang pagbabago ng balita tungkol sa isyu na ito. Dapat manatili kayong may impormasyon upang manatiling ligtas.


Mabilis ang pagbabago ng impormasyon

Mayroong kumpirmadong mga kaso sa China, Japan, Thailand, South Korea, Taiwan at Estados Unidos mula sa mga pasyente na galing Wuhan. Masyado pang maaga para malaman kung saan talaga nag-umpisa ang bagong virus na ito, o kung paano ito kumakalat. Dahil bago lamang ang virus, patuloy na susubaybayan ng mga awtoridad ang pagkalat nito. 


Kumikilos na ang mga opisyal para sa pampublikong kalusugan

Kumikilos ang mga opisyal ng pampublikong kalusugan (public health) upang maprotektahan ang publiko. Maingat na mino-monitor ng U.S. Centers for Disease Control and Prevention (Mga Sentro ng Pagkontrol at Pag-iwas sa Sakit, CDC) at ng World Health Organization (Organisasyon para sa Pandaigdigang Kalusugan, WHO) ang pagkalat ng virus. Mabilis at pabago-bago ang sitwasyon na ito, at magbibigay ang CDC ng bagong impormasyon sa sandaling makuha ito.


Mino-monitor na ng CDC ang mga pasaherong galing sa Wuhan, China sa limang airport sa Estados Unidos, kasama na ang San Francisco International Airport-(Pandaigdigang Paliparan ng San Francisco, SFO) para mapag-alaman kung mayroon silang lagnat o sintomas ng sakit na ito.    


Walang kaso ng novel coronavirus sa San Francisco

Walang kumpirmadong kaso ng novel coronavirus sa San Francisco. Kung mayroong makukumpirmang kaso sa San Francisco, i-aanunsyo ito ng Health Department, sa pakikipagtulungan ng CDC at sa California Department of Public Health (Departamento ng Pampublikong Kalusugan ng California, CDPH)


Mababa ang panganib na mahahawa ang mga residente sa Bay Area 

Mababa ang panganib ng mga residente ng Bay Area na mahawaan ng novel (new) coronavirus, maliban na lamang kung kakabiyahe lang nila galing sa Wuhan o kung nakipag-ugnay sila sa taong may sakit na kakagaling lamang sa lugar na iyon. 


Kailangan ko bang magsuot ng mask o ikansela ang mga aktibidad ko kung saan nakikisalamuha ako sa iba?

Sa ngayon, walang opisyal na rekomendasyon na magsuot ng mask o magkansela ng inyong mga plano o aktibidad. Ang pinakamainam na paraan upang maprotektahan ang kalusugan ay ang pagpapraktis ng mga hakbang na para sa pag-iingat, katulad ng palaging paghuhugas ng kamay at pagpapa-flu shot (iniksyon laban sa trangkaso), at nang sa gayon, maiwasan ang sakit ang mga sintomas na katulad ng sa novel coranavirus

Kung bumiyahe kayo sa Wuhan at mayroon kayong nararamdaman na sintomas….

Ang sinuman na bagong biyahe mula sa Wuhan at nagkaroon ng lagnat at sintomas na may kaugnayan sa paghinga, katulad ng ubo o problema sa panghinga, ay dapat munang tumawag sa kanyang doktor o health care provider (tagpagkaloob ng pangangalaga para sa kalusugan) at dapat ibahagi ang kasaysayan ng pagbibiyahe bago bumisita.

Payo para maprotektahan kayo at ang inyong mga kasama 

1) Magpa-flu shot para magkaroon ng proteksiyon laban sa trangkaso o sintomas na

katulad sa novel coronavirus

2) Hugasan ang mga kamay gamit ang likidong sabon at tubig, at kuskusin nang

mabuti nang hindi bababa sa 20 segundo.

3) Takpan ang inyong bibig kapag umuubo o bumabahing

4) Manatili sa bahay kapag may sakit

5) Para sa mga tao na bibiyahe sa Wuhan: CDC

Manatiling may impormasyon




Comments

Post a Comment

Popular posts from this blog

Coronavirus disease (COVID-19): Paano alagaan ang isang taong may COVID-19 sa bahay – Payo para sa mga caregiver

Image
 Kung nag-aalaga ka ng taong may COVID-19, sundin ang payong ito para protektahan ang iyong sarili at iba pang tao sa bahay, pati na rin ang mga tao sa iyong komunidad. Limitahan ang paglapit : Isang malusog na tao lang ang dapat magbigay ng pangangalaga.  Huwag magpahgamit ng mga personal na gamit sa taong may sakit,gaya ng mga sipilyo, tuwalya, kubrekama, kubyertos, o elektronikong device.  Gumamit ng banyo na hindi ginagamit ng taong may sakit, kung posible. o Kung hindi ito posible, dapat ibaba ng taong may sakit ang takip ng kubeta bago mag-flush.  Posibleng maipasa ng ilang tao ang COVID-19 kahit na hindi sila nagpapakita ng anumang sintomas. Makakatulong ang pagsusuot ng mask, kabilang ang hindi non-medical mask o pantakip sa mukha (ibig sabihin, gawa sa hindi bababa sa dalawang layer ng tinahing tela, na idinisenyo para matakpan nang buo ang ilong at bibig, at nakakabit nang mabuti sa ulo sa pamamagitan ng mga tali o ear loop) na protektahan ang ibang tao sa...
Read more

Tumulong Upang Mapahinto ang Pagkalat ng Coronavirus at Protektahan ang Iyong Pamilya

Image
   Ang pandemya ng COVID-19 ay nangangailangan na manatiling maingat tayo sa ating pang-araw-araw na buhay. Ang bawat isa sa atin ay maaring gawin ang ilang simpleng hakbang upang matulungan ang pagbagal ng pagkalat ng sakit na coronavirus at protektahan ang ating sarili, ating pamilya at ating mga komunidad. Posted BY: FDA Ang mga hakbang ay: Maghugas ng iyong mga kamay nang madalas gamit ang simpleng sabon at tubig. Takpan ang iyong bibig at ilong gamit ang pangtakip sa mukha na gawa sa tela o non-surgical mask kapag nasa paligid ng iba Iwasan ang matataong lugar at magsanay ng pagitan mula sa kapwa-tao (manatili ng hindi bababa sa 6 na talampakan na pagitan mula sa iba) Narito ang ilang mga paraan para sa iyo at sa iyong pamilya na makakatulong para mapabagal ang pagkalat ng sakit na coronavirus. Maghugas ng iyong mga Kamay Una, magsanay ng simpleng kalinisan. Maghugas ng iyong mga kamay nang regular na sabon at tubig sa loob ng 20 segundo - lalo na pagkatapos ng pagpunta s...
Read more